رواية سحر العيون بقلم نوران محمد
نفخت بضيق و حدفت الكتاب على السرير جنبي
_عوضنا على الله نشوف حياة غير الحياة دي عشان مش عجباني
طلعت برا لقيت ماما قاعدة جنب تيتة بيتفروجوا على التلفزيون
_ماما أنا جعانه
بصتلي و قالت
نور أنتي لسه قايمة من نص ساعة من على العشا!
نفخت بزهق و قعدت جنبها على الكنبة
_طب أنا زهقانه
أنتي شكل هيرموناتك عامله الواجب و هتطلعيهم علينا صح
بصتلها بضيق بعدين بصيت لتيتة و قولت
_اديني حل للزهق و هيكون جميل عمري ما هنساهولك
رفعت كتفها و اتكلمت بكل بساطة
اتخطبي و الزهق هيروح
_ده قمة الزهق ده!
ماما أبتسمتلي و قالت
طب ما تروحي فرح صاحبتك اللي بكره ده و اهو على الأقل تغيري جو
أتنهدت و أنا بربع رجلي على الكنبة
_أولا هي مش صاحبتي هي مجرد معرفة سوشيال و اتقابلنا مرتين في معرض الكتاب ثانيا و ده الأهم أنا اعتذرتلها إني مش هاجي لأني معرفش حد غيرها أصلا!
ياستي عادي مش لازم تكوني عارفه أي حد في الفرح
تيتة قالت بصوت واطي لكني سمعته و هي بتشرب الشاي
يمكن تطلعي منه بعريس أو حاجه يا بايره
ضغطت على سناني بغيظ و قومت وقفت
_أنا غلطانه إني طلعت من أوضتي اساسا
قولت كده و دخلت أوضتي و قفلت الباب ورايا و اترميت على السرير
_مش معقول كده بيت طويل عريض محدش فيه فاهمني
لقيت نوتيفيكشن مسدج واتساب فتحتها لقيتها قدر
بالله عليكي يا نور وجودك بكره هيفرق معايا جدا أرجوكي حاولي تيجي
أتنهدت و أنا بتأمل في الشاشة و بفكر بعمق لدقايق بعدين بعتلها
_حاضر ياحبيبتي
بعتتلي في وقتها ريكورد فتحته صوتها كان فرحان فيه
هستناكي الخطوبة هتكون الساعة 4 هبعتلك اللوكيشن اوعي تتأخري يا نور هزعل منك والله
أبتسمت و كتبتلها
_مش هتأخر
قولت كده و قفلت الفون أترميت على السرير و بحلقت في السقف
_مش عارفه هستمتع إزاي في مكان فيه دوشة و زحمة لكني محتاجه فعلا أخرج من اوضتي و اشوف العالم كفاية توحد لحد كده
من زمان و أنا شايفه أن الحياة حلوة طول ما أنا جوا حدود بيتي لما بخرج برا بحس إني تايهه برغم إني بعرف اتعامل و بتصرف لكن فيه جزء جوايا بيبقى متوتر و خاېف تيتة دايما بتقول عليا مجنونه منين بحضر نفسي للسفر و منين مبخرجش كتير من البيت و دايما مفكره أنه حالتي دي مش هتتغير غير لما يجي المعتوه اللي هياخدني
وقفت قدامهم بعد ما جهزت للخطوبة
_ها إيه رايكم يا هوانم
ماما شاورتلي بثقة
طلعة حلوة لأمك
ضحكت و بصيت لتيتة اللي دقت على خشب الطربيزة و قالت
ربي يحميكي قولي المعوذتين يابت ألا حد يحسدك
ضحكت
_يحسدني إيه بس يا تيتة
آه تتحسدي و أنتي حلوة كده و عروسة
بصيت في ساعتي و قولت
_طب أنا همشي بقى عشان الحق اوصل
بعتلهم بوسه في الهوا و قولت
_يلا باي باي يا حلوين
نزلت من البيت و قررت إني هركب تاكسي مش مشروع بالهيلز اللي لبساه ده خليني أكمل اللوك للأخر وقفت تاكسي و ركبت قولتله على العنوان و طلعنا لكن الدنيا كانت زحمة و الجو كان حر جدا جدا مش عارفه إيه الناس اللي بتعمل خطوبتها في الصيف و الصبح دول! و بعد معاناه وصلت أخيرا و لكن كأنت الخطوبة بدأت و لبسو الدبل
قربت من قدر و أنا ببتسم بأعتذار
_حقيقي مش عارفه اقولك إيه لكن الطريق زحمة والله
ضحكت و هي بتحضني
ولا يهمك المهم إنك جيتي دي عندي بالدنيا والله
شديت عليها في حضڼي و أبتسمت بحب فضلت واقفة جنبها شويه و مبتسمة و فرحانة بيها و لفرحتها أحنا مجرد صحاب سوشيال جمعتنا لحظات حلوة و ضحك و هزار فقط لا غير لكني كنت حقيقي فرحنالها و أنا شيفاها طايرة من فرحتها بعريسها وقت البوفيه طلعت برا عشان أكلم ماما أطمنها و عشان كمان أتجنب نظرات البني آدم اللي كان عمال يبصلي طول الفرح شايفني لوحة عمال يتأمل فيها اللي معندوش حياء بربع جنيه ده
_ايوة يا ماما مش هتأخر مټخافيش
الفرح حلو
_آه توحفه ما شاء الله
صورتي العروسة
_آه صورتها لما اجي هوريكم الصور
ماشي خدي تيتة عايزة تكلمك
أتنهدت و أنا بحط إيدي على راسي
_ايوة يا تيتة
الو ايوة يا نور الفرح حلو يابت
ضحكت على طريقتها
_آه يا تيتة حلو
طب ملاقتيش أي عريس حلو كده ولا كده
_عريس إيه بس يا تيتة أنا جاية أعمل الواجب مش أدور على عريس!
سمعت صوت ضحك ورايا فلفيت لقيته نفس الولا اللي كان بيبصلي جوا
_طب سلام دلوقتي يا تيتة لما اجي نبقى نكمل كلامنا
مستنتش و قفلت معاها و بصيت للولا برفعة حاحب فقال بضحكة
أتمنى ماكونش قاطعت كلامك أنتي و تيتة
قال كده و ضحك فأنا فضلت بصاله بهدوء و قولت
_حضرتك عايز حاجه
وقف ضحك و بثلي بأبتسامة
لأ
أتحركت من قدامه و أنا بقول
_و أنا بقول كده بردو
سيبته و دخلت جوا فضلت واقفة جنب قدر شويه بعدين سلمت عليها و طلعت برا طلبت أوبر و فضلت مستنياه عشر دقايق و أنا مستنيه اوبر لمحت الولا ده بيقرب من عربية عشان يركب و لما لمحڼي فضل باصصلي و بيبتسم بخفة الوقح أوبر وصل فقبل ما أركب بصتله بقرف فضحك مدتلهوش أهتمام و قومت ركبت العربية
قعدت معاهم في الصالون و أنا بشيل المنكير و بحكيلهم اللي حصل فتيتة قالت
طب معرفتيش أسمه مهنته تبع مين أي حاجة في سنتك الهباب دي
_أكيد طبعا لأ أنا مش هتعرف عليه يعني!
تيتة لويت بؤها و بصتلي بقرف فماما قالت بحماس
طب ما تسألي صحبتك عليه
_أكيد يعني العشم مش أخدني للدرجادي و هروح أسألها على شاب كان في فرحها
تيتة أتكلمت
ما يمكن يطلع اخوها يابت
قومت وقفت
_لالا أنا مش هقدر أكتر من كده أنا داخله أنام تصبحو على خير
قولت كده و سيبتهم و دخلت أوضتي قفلت عليا الباب و طفيت النور بعدها نمت على السرير بإرهاق و أشتياق للهدوء اللي أفتقدته طول اليوم
ماما أنا هنزل الشغل
تفطري الأول
_مش هلحق والله هتأخر
مافيش نزول من غير فطار
قولت بسرعة و أنا بتجه للباب
_هفطر في الشغل
رميتلهم بوسه و أنا بفتح الباب
_يلا باي باي يا هوانم
قفلت الباب بسرعة قبل ما أسمع تهزيق من ماما و نزلت على السلم جري عشان ألحق أروح بدري الشغل قبل ما دكتور حسن يجي ركبت المشروع و كعادتي لبست الهيدفون و سندت بدماغي على إزاز شباك المشروع و سرحت بخيالي الغير محدود المشروع عدى من قدام النادي اللي كان معمول فيه خطوبة قدر بصيت عليه و للحظة أبتسمت تلقائيا لما افتكرت الولا بتاع أمبارح ضحكت عليه و رجعت لسرحاني من تاني
شوف ياخي الصدف لما تقرر تجمعنا
كنت بشرب نسكافيه و مركزة في الكمبيوتر قدامي و من خضتي بوجوده قدامي الكوبايه أتهزت و وقع حبه منها عليا
_اوف يا اوف
ضحك ضحكة بسيطة و قال
do you speak turkish
أتنهدت بعصبية و بصتله
_أؤمر
الأمر لله وحده دكتور حسن موجود
بصيت على الكمبيوتر
_ايوة فيه ميعاد محجوز قبل كده
في الحقيقة لأ
مرفعتش عيني من على الكمبيوتر
_يبقى حضرتك تحجز دلوقتي و لما يجي دورك تبقى تدخل
لعب في دقنه و هو بيقول
هو لازم اخد ميعاد عشان أدخل اشوف ابويا!
بصتله بسرعه
- رواية
- فون
- قصة
- خطوبة
- بيت
- بنت
- جواز
- عشق
- طارق
- الناس
- السلامة
- تخلص
- الموضوع
- ماما
- مال
- شقة
- خشب
- المستشفى
- راجل
- ورد
- اتجوز
- حضرة
- رغم
- غلب
- محمد
- بقلم
- عالم
- دين
- العروسة
- واتساب
- نور
- دموع
- بابا
- السرير
- عريس
- الدب
- الما
- صباح
- على
- الوقت
- النا
- علامات
- رجع
- نظام
- مستمر
- واثق
- البن
- بسرعة
- ضيق
- عمر
- القلب
- مال
- نور
- السفر
- الصحة
- فرح
- لبقا
- تكون
- قصر
- شخص
- لحم
- القطة
- ورد
- ماسك
- نفخ
- الحمد
- صور
- الفرع
- حجة
- حراج
- عدل
- بدر
- فرع
- العرب
- الحي
- عدن
- سبا
- اند
- تمر
- الطب
- أور
- لحج
- مركز
- اسم
- السلام
- القلم
- السفر
- سعد
- الحاج
- مولود
- طبخ
- باشا
- معرض الكتاب
- الا
- سكر
- ملك
- تجنب
- لصحة
- وما
- للقلب
- طلع
- كاكاو
- معا
- زمن
- متى
- عام
- بعض
- محمد
- مشتركه
- ركب
- وقف
- تحمل
- وان
- جزء
- الدول
- يكون
- علينا
- المكان
- منزل
- عدم
- صاحب
- الى
- دوله
- بعد
- عند
- لوقف
- عدة
- بتوت
- الله
- ابل
- المرة
- دول
- نوع
- الجو
- ضغط
- طول
- مور
- الحياة
- ورد
- فعال
- قاف
- ثاني
- تلال
- مرة
- علك
- عمق
- صحة
- قصة حب
- لبان
- بشكل
- الملك
- بها
- نان
